Bang Media

Reba Video

Shakisha

Ibisigo Nyabami- Nsabimana-RUHANGA RUCURA INKUMBI

RUHANGA RUCURA INKUMBI = O FRONT FOUDROYANT
Ce poème de la catégorie « Ibyanzu », le premier de Nsabimana, célèbre la conquête du Bugesera et la capture du Rukomba-mazi, son tambour dynastique. C’était sous le règne de Mibambwe III Sentabyo. Une autre partie du Bugesera était conquise par le Burundi. Le Rwanda avait dû annexer la partie du Bugesera proche de lui pour ne pas avoir le Burundi à la frontière de sa Capitale, Kigali.

Ruhanga rucura inkumbi
Rucurana-mbuko
Rwa Mbangira ya Rweza-mbuga
Imbonwa ikwiye ingoma ya Rwica-mugoyi.
005 Rugero Kigeli yadukoteye kera

Ati : iyi Mfizi, uzayima Ntuku
Tureshya urugero.
Mbonye aciye ibihugu umukenya
Ari yo agica uruziga,
010 Rucanuza-nzige

Rwa Nzi-guhiga ya Ruhima-mbogo
Aho ataragera bukera kuganya
Yica igihugu ntigihindure icumu,
Macumu acubya abanzi
015 Ya Rucurana-Mugoyi.

Ye Maboko adasongerwa
Rusazaza-nzogoro rwa Miyogoro ya Rubunga-nkiga
Inkuba ibyaritse Bagaramba ku bugabo.
Inka iri umubyeyi yakwa bigakunda,
020 Inka yakoye i Kanyoni yagakoze iri.

Mbonye arishije abanzi imboga, Mbaraga
Ya Mbangira-ndasa ya Nyiragasogwe
Uwo atarica arasoroma.
Ntasambya, ntasongerwe,
025 Ntatera ngo asigaze,

Udahatswe i Musimba baramusibiriye.
Ndetse Nsoro ari igisambo kisunze ikindi
Mu Gihunya kwa Gihoza-ziko
Ari we urenze umuziro
030 Acyuye Mwendo

Uwo arahitwa ntiyafata uruka.
Yahunze adasobanuje
Inzira ibaye ubwome
Asigaye aza kuvuga aho inzara imugeze
035 Mu butaraka-nzuki bwa Rwamazimwe,

Inzara y’iwa Munyu iramwunyuye.
Ngo namuhe ikimasa
Ajye amucira uruhande
Yacanye n’abamwubakiye
040 Ngo atoranye igerero.

Cyangwa se ko bavukaga hamwe
Yabuze icumi ry’inka,
Ntiyamucaniye mu cye gihugu
Nka Bica-giheka ba Gihima-mbogo
045 Wamukuye kwa Gahundamo.

Aterana imigeri adasobanutse nk’ikibuno,
Kibamba ntayiraje
Inzara imurambye mu nda.

Urantege amatwi Ndazi
Nkubwire ko Ndabarasa atabyaye ubusa nka we

Nkubwire ko ashubije ikirenge mu cya se,
Basubira-nyiga ba Nyuhirira ya Kanywa-nzeru,
050 Yazihaye umugabo Rwenda-muheto.

Ni wa Mugabe, kandi akaba wa Mugabo
Wakwimura Mukiza na Rundu
Ukarundeza mu kibira.
Wahoze uzikururira icyishi
055 Bashimuz-irivuzwe ba Gisoryo

I Gisaka ntikizakugirana ibintu ngo birame.
Ko wabwiwe imiyonga y’i Kibamba, Kibaririza,
Ntureka kubika ikiriga wa Kiyaga we.
Urantege amatwi Ndazi
Nkubwire ko Ndabarasa atabyaye ubusa nka we

Nkubwire ko adaseka n’umwanzi
060 Mwami uruta abandi wa Mwanga-guhunga

Wa Bihumbi bya Muhumuza
Uwihaze akazamwikorereza.
Wibyariye nk’ikosi
Abagabe b’i Mukanga-nyana
065 Ubikorereje wikoreye ishyano.

Henga nzarebe ko urangiza iminsi
Munsi w’irivuzwe wa Mutarahurwa
Wahoze uzirahurira ku nda.
Mbe nu abageni ko wabarangije
070 Ndetse inka watunze utazihonze

Minaga uyatswe mu minwe.

Urantege amatwi Ndazi
Nkubwire ko Ndabarasa atabyaye ubusa nka we

Nkubwire ko barushye kugutungana ibicumuro
Abami b’i Cubuka-bisimba
Kwa Nyirabicu na Mucanahita
075 Uko ucumuye kwose ngo uratakamba.

Nashatse Umwami uri kiri-mpunga
Mwakuzura ukanoza, Mugab-uherez-inda
Ubahora agatsi gasa.
N’iteka wibuka ibitereko
080 Wimeneye amata, Matwi-yumviriza

Wamara gusenyerwa amazu
Ukaza guhonga.
Wanguha kwinshi, ntukibeshye, Ruhiga
Guhomva ino iwa bene Kigeli
085 Banga ikiyaga.

Henga nzarore ko uzi kubaza
Nukira Inkuba y’urugaryi
Ya Rugabira rwa Munyaga-mpezi
Nta we umwanga ngo azijyane.
090 Ni umurabyo utagira amazi, ntagangahurwa

Aho akubise arubikiza
Agakumba amagana.
Urantege amatwi Ndazi
Nkubwire ko Ndabarasa atabyaye ubusa nka we

Nkubwire ko ataramurirwa n’utamusongeye
Songi y’intiti ya Butakiro bwa Mutara-mbuga
095 Ayo ukoze mu Bwiriri

Ukoze mu nda Ruregeya.
Uzabagoroza iki, aje akuba inkomeri
Ko yateye utamusongeye
Ukamutwara ikiramiro ?
100 Henga nzarore ko ugira insiriri

Nukira Ntsinze-Nyiga
Ya Rugir-ishya rwa Nyir-imikore
Atagukandagiye akakwaka Rukurura.
Urayihare kare, ejo atayiha Migozi y’abapfuye
105 Aho kuyicirwa imbere wayihonga.

Urantege amatwi Ndazi
Nkubwire ko Ndabarasa atabyaye ubusa nka we

Nkubwire amacumu ye y’uburiza
Uyabarirwe n’impunzi ziri iwawe iyo
Gihuhe cya Gihakana-muriro na Kirenza-cumi
Amacumu azaza iyo, urikikane Nsoro.
110 Nakubwira ko yamuteye agahusha
Gihuri cy’i Nyagihuri
Baraturinde Abarungu.
Ye Macumu y’i Gihororo,
Ni kwa kwawe n’Abacura-nsike
115 Na none Kimenyi ni umubisha

Ushyinguye abandi babisha benshi.
Mu Gihugu kidahunika kwa Nta-makara
Ari we ucyuye Nsoro, agacyura Rukanda.
Mukandagira Nyiribondo na Nyirurume
120 Abo bo nta gishyika, tuzabafata mpiri.

Mpamvu y’Igihugu, narose,
Narose impenda uhindura mu Gihunya.
Muhanagura-Gihugu wa Muhanagura-bano
Uwa Rubazi ntabazwa
125 Yabyaye umugabo Rwenda-muheto.

Narose Cyimbazi batanga impundu
Ngo Ruhurana-migozi arayigaruye
Nganje-Nyabungo.
Ye Ruhanga-mw-ubwishi,
Ye Macumu y’urushashi
130 N’i Mutomenwa ngo urakishyuka.

Bashyikiriye inkuru ko wayogoje Kivumbu
I Kibamba umaze kwivuga
Ngo gaturane Mugeyo.
Ye Mutwe-mw-ubutwari
135 Wavunnye amacumu y’abarwaniza

Ab’iwa bene Ngoma
Ngo urakiraga ingoma.
Baboneye ko ushira ubwoba mu rwari
Urwana n’abakwangira ingoma
140 Ubanuza ingoyi.

Nzakurasaniza amaboko nkurengeza ururimi
Wahawe inka, Mutandi, ndatubukirwa.
N’abatera akanoni k’amatungo unkamiye,
Mukamwa-mvura,
Abo bo nta gishyika, tuzivuganira.
145 Aho nzi ni amahangura yo guhakwa

Muhozi wa Mpumuheto, jye nzitarataza.
Utarukiye Abami utarukiye n’iwacu
Iyakwise izina ukerekanwa,
Urakiraga imigisha.

Shyiraho Igitekerezo!

Related Posts by Categories



0 comments:

Post a Comment

Urwego