Bang Media

Reba Video

Shakisha

Indirimbo-Mwana wa mama-Nyakabwa Lucien

Mwana wa mama
Indirimbo ya Nyakabwa Lucien




Mwana wa mama x2

Ko nduzi ubabaye udaseka, wababajwe n’iki?

Mbwira icyakubabaje, cyakugashe umutima

Nzirya nimare, ntange utwo mfite, maze nkwihoreze

Data yampaye akanyana, ni akanyana k’igitare

Ngo nuseka nzakaguha, mwana wa mama kunda unsekere



Mwana wa mama x2

Ko nduzi uzinze umunya udaseka, Warakajwe n’iki?

Mbwira icyakubabaje, cyatumye urakara

Nzashaka iby’iza mbiguhongere maze umwenyure

Mama yaboshye agaseke agatakaho amabara

Ngo nuseka nzakaguha, mwana wa mama disi nsekera



Mwana wa mama x2

Ko nduzi ubabaye udaseka, wababajwe n’iki?

Mbwira icyakubabaje, cyakugashe umutima

Nzashaka iby’iza mbiguhongere maze umwenyure

Nzigira kwa nyogokuru, azanyigisha uduhozo

Ngo nzatukuririmbire mwana wa mama kunda unsekere



Mwana wa mama x 2

Ko nduzi uzinze umunya, udaseka warakajwe n’iki?

Mbwira icyakubabaje, cyakugashe umutima

Nzashaka iby’iza mbiguhongere ukunde unsekere

Imana yaremye utunyoni, irongera irema uturabo

Ngo nuseka uzatubona, mwana wa mama mbabarira unsekere

Shyiraho Igitekerezo!

Related Posts by Categories



0 comments:

Post a Comment

Urwego