Bang Media

Reba Video

Shakisha

Abahanzi Nyarwanda: Umuhanzi Alain Thierry Nikuze aka R-Tuty

 Umuhanzi Alain Thierry Nikuze aka R-Tuty
Nitwa Alain Thierry Nikuze, nzwi cyane ku izina rya R-Tuty. Navutse kuwa 23 Ukuboza 1984 mu Karere ka Nyarugenge i Kigali. Ndi umuhanzi nyarwanda, ndirimba injyana ya RnB.

Amashuri abanza nayize St Famille ; ayisumbuye nyatangirira muri St Andre nyasoreza muri St GS Joseph Kabgayi.

Navukanye impano z’ubuhanzi zitandukanye. Uretse kuririmba, nzi gushushanya, nzwi nk’umukinnyi w’umupira w’amaguru (football) ngakora n’izindi siporo (acrobatie), nkaba nzwi mu gukina amakinamico asetsa (comedie).

Namaze igihe kinini nzwi nk’umukinnyi w’umupira w’amaguru ari nabyo numvaga nzakora nk’umwuga. Nakuriye mu ikipe ya Kiyovu, nyikinamo igihe kirekire. Nyuma naje kwerekeza i Muhanga nkinira ikipe yo mu cyiciro cya mbere yitwa Flash Football Club. Naje no kujya mu yandi makipe atandukanye.

Muri icyo gihe cyose nakunze kujya nandika indirimbo, biza gutuma bamwe mu bo twabanaga bampimba akazina ka ‘Philosophe’.

Naje kwerekeza mu gihugu cy’u Bubiligi ngiye gukomeza kwiga kurushaho ibijyanye no gukina umupira w’amaguru. Naho nakomeje gukinira andi makipe atandukanye. Aho mu Bubiligi ni naho naje guhurira n’uwitwa Germe utunganya umuziki ukomoka mu gihugu cy’u Burundi, nyuma yo kunkoresha igerageza asanga mfite impano yo kuririmba nuko yiyemeza kunkorera album yanjye yose. Ni uko natangiye iby’ubuhanzi ku mugaragaro.

Ngeze mu Rwanda naho nahahuriye n’abatunganya umuziki barimo Lick Lick na Junior dukorana indirimbo nise Idini y’Ifaranga, Isezerano, Mpenzi Wangu, Inzoga Iroshya n’izindi. Izi ndirimbo nizo zahise zijya kuri album yanjye ya mbere nise ’Idini y’Ifaranga’, nasohoye muri Gicurasi 2010.

Nyuma yaho natangiye gukora kuri album yanjye ya 2 nise ’Utuvugirizo’. Kuri iyo album hariho indirimbo Utuvugirizo, Akabando, Kurya Utabara, Iri Banga, Icyerekezo, Icyarire n’izindi. Iyi album nayishyize hanze muri Nyakanga 2011.

Mu mwaka wa 2012 ndateganya kurangiza indi album ya 3 nise Agacu. Iyi Album iriho indirimbo Agacu, Best Love, Akageso, Impumeko, Savana, Santimento, Gihamya n’izindi.

Shyiraho Igitekerezo!

Related Posts by Categories



0 comments:

Post a Comment

Urwego