Bang Media

Reba Video

Shakisha

IBINTU 7 BISHOBORA GUTUMA UGIRA UMUSATSI MWIZA KANDI UKOMEYE

Abagore hafi ya bose bifuza kugira umusatsi usa neza, ukomeye kandi ubyibushye. Ni gute wagira umusatsi wifuza ? Dore ibintu birindwi bishobora kubigufashamo, nk’uko byavumbuwe n’ikipe y’inzobere mu byo gutunganya imisatsi yitwa Schwarzkopf.

1. Kurya indyo yuzuye

Ubushakashatsi bwakozwe n’iyi kipe y’inzobere buvuga ko kurya indyo yuzuye ariwo musingi wo kugira umusatsi mwiza, kuko ibyubaka umubiri (protéines) na vitamine B5 (Vitamines B5), bigira uruhare runini mu kugaburira umusatsi maze ukaba mwiza. Ikindi kandi ngo vitamine (les vitamines) n’imyunyu ngugu (sels mineraux), bituma aho umusatsi utereye hakomera.

Vitamine B5 ziboneka mu muceri, mu bishyimbo, ndetse no mu binyampeke byose, naho ibyubaka umubiri byo bikaboneka mu magi, mu mata n’ibikorwa muri yo byose, mu mafi, n’ibindi.

Umuntu agomba ariko kwirinda kunywa ikawa nyinshi kuko ituma umusatsi ucika. Agomba kandi kwirinda kunywa itabi n’inzoga nyinshi cyane kuko nabyo byangiza umusatsi.

Ahubwo agomba kwita cyane ku mbuto, amafi, inkoko n’amagi, imboga rwatsi, amata, soya ndetse n’umuceri kuko ibi bifite intungamubiri za zinc, biotine, fer, n’iza acide folique bituma umusatsi ukomera kandi ukaba mwiza.

2. Gushyira mu musatsi ibintu bituma unyerera ugasa neza

Kugira ngo umuntu agire umusatsi unyereye kandi usa neza agomba kujya awushyiramo amapreshampo (après- shampooing) kuko atuma ama repousse yoroha kandi akaba asa neza. Mu kuyashyiramo, agomba kwita ku bice by’umusatsi byumagaye ndetse n’aho umusatsi wagiye ucika.

3. Kurinda umusatsi ubushyuhe

Ibyuma bikoreshwa igihe umuntu atunganya umusatsi we, nk’amaseches, amatongs n’ibindi, bigomba kuba bifite ubushyuhe buringaniye kuko iyo bifite ubushyuhe bwinshi(buri hejuru ya 140 °C) ubwo bushyuhe bwica za ntungamubiri zatumaga umusatsi uba mwiza.

Umuntu agomba kandi kwibuka gukoresha spray buri gihe, mbere y’uko akoresha ibyo byuma kuko spray irinda umusatsi ingaruka z’ubushyuhe bwinshi, igatuma umusatsi wongera gusubirana ireme kandi ugasa neza.

4. Gukata umusatsi ushaje, kugira ngo hamere umushya

Niba umusatsi ushaje ugomba kujya ku mwogoshi (coiffeur) akawukata, agenda akuraho igice gishaje, ubundi akawuringaniza kugira ngo wongere ukure neza. Ikindi kandi niba ufite umusatsi udefirije, ugomba kutarenza ukwezi n’igice utarasubira muri salon gusokoresha kuko iyo utinze kujyayo bituma umusatsi ucika.

5. Gusokoresha uburoso bwiza

Aha umuntu ashobora kwibaza ati :”Uburoso bwiza ni ubumeze bute ?” Uburoso bwiza ni ubukoze mu bwoya bw’umwimerere (poils naturels) cyangwa ubukoze mu bwoya bw’ubukorano ariko buvanze n’ubw’umwimerere.

Ubu buroso ni bwiza kuko mu kubusokoresha umusatsi ucamo neza, udacitse, kandi bukavana mu musatsi imyanda yose kurusha uko uburoso bw’ubukorano bwabikora. Bufasha kandi mu gukwirakwiza mu musatsi amavuta igihe umuntu ayasizemo.

Ariko na none, mbere yo gusokoza, umuntu agomba gutegereza ko umusatsi wumuka neza kuko iyo utumutse neza ugacishamo uburoso ugenda ucikagurika.

6. Kwirinda gukorakora mu musatsi

Gukorakora mu musatsi bituma imyanda ishobora kuba yagiye mu ruhande rumwe rw’umusatsi ijya no mu rundi maze ugasanga biteye umusatsi wose kwandura ; kandi umwanda na wo ari kimwe mu bituma umusatsi ugaragara nabi kandi ugacika.

Ubusanzwe amavuta y’umusatsi agomba kuba menshi aho umusatsi utereye, kuko iyo abaye menshi ku mpera zawo bituma hafatana ugasanga umusatsi umeze nk’uwanyagiwe ndetse no kuwusokoza ukagorana. Gukora mu musatsi cyane rero bituma amavuta yari ari aho umusatsi utereye agera no ku mpera zawo, ugasanga nyine umusatsi ubaye nabi.

7. Gushyiramo vitamine mu musatsi

Hari amavitamine yagenewe gushyira mu misatsi kugirango ikomere, hari n’ayo kugirango ubyibuhe. Niba umusatsi wawe rero unanutse, ubwo ukwiye gushyiramo vitamine yo kuwubyibushya. Niba umusatsi wawe ukunda gucika, ubwo washyiramo vitamine ituma ukomera ntuzongere gucika.

Source : Magazine avantage

Shyiraho Igitekerezo!

Related Posts by Categories



0 comments:

Post a Comment

Urwego