Bang Media

Shakisha

Will Smith ni Muntu Ki

Will Smith yavukiye Philadelphie muri Leta Zunze Ubumwe z’Amerika tariki ya 25 Nzeri 1968. Ni umwana wa kabiri mu bavandimwe bane. Yakuze akundwa cyane ku buryo ku ishuri bari baramuhaye akabyiniriro ka ‘Prince’ (igikomangoma), kubera uburyo bwihariye yagiraga bwo kwivana mu bibazo.

Yaje kureka ibintu byo kwiga yigira gukora ibijyanye na muzika. Muri uwo mwuga w’umuziki yarahamenyakaniye cyane kuko igihangano cye cya mbere yise DJ Jazzy Jeff and the Fresh Prince cyamuhaye inoti zitubutse. Gusa yakundaga gukoresha amafaranga ye mu tuntu n’utundi kuko yahise yiguriramo inzu nziza n’amamodoka. Zimwe muri film yakinnye harimo nka Men in Black, Hitch, I am a legend, n’izindi.

Mu buzima bwe rero yagiye arangwa n’udukoryo (udutangaza) ; tukaba muri iyi nkuru turabagezaho bimwe mu byo mwamumenyaho ndetse n’amatariki yabikoreyeho. Turabagezaho kandi amwe mu magambo yagiye avuga atazapfa kwibagirana mu mitwe y’abayumvise.

- Mu kwezi kwa cyenda, 1990 : Film yitwa “Prince de Bel-Air” nibwo yashyizwe ahagaragara bwa mbere muri Leta Zunze Ubumwe z’Amerika. Iyi film ayikinamo ari umusore muto wari uvuye mu cyaro cy’iwabo ajya kwa nyirarume wari utuye muri karitsiye y’abakire. Tubamenyeshe ko iyi film mu myaka itandatu gusa yari yamaze kwerekanwa hafi kw ;isi yose.

- 31 Ukuboza, 1997 : Will Smith yashyingiranywe na Jada Pinkett, uyu akaba ari umwirabura w’umunyamerika nawe ukina film.

- 25 Gashyantare 2002 : Ubwo Will Smith yiteguraga kwakira igihembo cyiswe Oscar kubera uko yitwaye muri film yitwa Ali, babanje guhamagara Denzel Washington ngo nawe ahabwe igihembo cye, ni uko babona Will Smith asohotse mu birori yiruka. Igihe kigeze cyo kwakira igihembo baramubura, baza kumenya ko yamenye ko umuhungu we bamujyanye kwa muganga igitaraganya, ahitamo kujya kureba uko umwana we amerewe.

- 26 Gashyantare 2005 : Ubwo Will Smith yanyuraga mu gihugu cy’Ubufaransa amenyekanisha film Hitch, yahawe igihembo cy’icyubahiro cyitiriwe Cesar. Uwari uyoboye ibyo birori yatse ikirahure cy’amazi, Will Smith nawe ahita ayaka, bayamuzaniye arayagotomera, ayamara vuba y’uwo mugore Isabelle Adjani. Abari muri ibyo birori bose batashye baseka, ako kaba agakoryo k’umunsi.

Dore amwe mu magambo yavuze :

- « Iyo mbivuze bisetsa abantu cyane, ariko muzabibona. Ndi kubyitaho cyane ku buryo mu myaka nka 15 nzaba Perezida wa leta Zunze Ubumwe z’Amerika. »

- « Hari abantu benshi bagura ibintu bibahenze cyane kandi batanabikeneye, ari ukugira ngo bababaze abanzi babo »
- « Ibibi nibuka muri aka kazi ? Umunsi film yitwa Wild Wild West yungukaga miliyoni 52 z’Amanyamerika, kandi itari nziza. Njye nk’umwe mu bari bashinzwe kuyishyira ahagaragara, byarambabaje kubona yunguka bigeze hariya kandi atari nziza.”

- Iyo nibutse ko ndi umwirabura muri Amerika, byongeye kandi wa Hollywood, biranshimisha”.

Shyiraho Igitekerezo!

Related Posts by Categories



0 comments:

Post a Comment