Bang Media

Shakisha

U Rwanda Rwanze Kwakira Abiyita Abanyarwanda Barwaniye M23

U Rwanda rwanze kwakira abanyarwanda bafashwe barwanira M23. DSCN4968

Bamwe mu banyarwanda barwaniye M23 u Rwanda rwanze kwakira

Abashinzwe umutekano mu Rwanda, basubije inyuma kuri iki cyumweru tariki ya 15 Nyakanga 2012, abarwanyi 22 bafite ubwenegihugu bw'u Rwanda barwaniriye M23 barwanya ingabo za Congo FARDC maze bagafatirwa ku rugamba.

Abashinzwe abinjira n'abasohoka mu Rwanda bemeye kwakira gusa abarwanyi 7 bahoze muri FDLR nk'uko bivugwa na Radio Okapi.
Abo barwanyi ba M23 bari bishyize mu maboko ya MONUSCO mu karere ka Rutshuru bavuga ko ari abanyarwanda. Bagombaga gusubizwa iwabo mu Rwanda muri gahunda ya DDRRR (Désarmement, démobilisation, rapatriement, réinsertion et réintégration).

Impamvu abategetsi b'u Rwanda banze kwakira abo banyarwanda ntabwo ziramenyekana, ariko amakuru ava mu buyobozi bwa Kivu y'amajyaruguru aravuga ko hari umubonano hagati y'abayobozi ba Congo n'u Rwanda ngo baganire kuri icyo kibazo.

Abo barwanyi ba M23 u Rwanda rwanze kwakira bamaze hafi iminota 45 mu karere katagira nyirako (Zone neutre) hagati y'umupaka w'u Rwanda na Congo mbere yo gusubizwa muri Congo. Iby'abo barwanyi bizamenyekana nyuma y'imibonano hagati y'ibihugu byombi.

Icyegeranyo cy'impuguke z'umuryango w'abibumbye kirega urwana gufasha M23 ndetse na Roger Meece, intumwa idasanzwe ya ONU irabyemeza kavuga ko u Rwanda ruha ibikoresho n'intwaro.

U Rwanda rwo na M23 bakomeje guhakana ibyo birego.

Marc Matabaro
Rwiza News

Shyiraho Igitekerezo!

Related Posts by Categories



0 comments:

Post a Comment