Bang Media

Reba Video

Shakisha

Ubuzima bwa King James

King James ubundi yitwa James Ruhumuriza, ni umuririmbyi w’injyana ya RnB n’izindi zishamikiyeho nka Zouk na Pop. Yavutse kuwa 1 Mata 1990. Ni mwene Consolatie Kakizi na Isaac Murihano.

Yatangiye ubuhanzi mu mwaka wa 2006, ubwo yari mu mashuri yisumbuye. Indirimbo ye ya mbere yayise ’Intinyi’ ayisohora mu mwaka wa 2009.

Amashuri ye yisumbuye yayize mu kigo cya APE Rugunga aho yarangije mu mwaka wa 2010.

Uyu muhanzi yashyize hanze album ye ya mbere yise ‘Umugisha’ kuwa 24 Ukuboza 2010. Iyi album iriho indirimbo zakunzwe nka Umugisha, Kuko Turi Kumwe, Naratomboye, Mwarakoze, Harabura Iki (yaririmbanye na Princesse Priscilla) n’izindi.
Ku itariki ya 10 Ukuboza 2011 Album ye ya 2 yise ‘Umuvandimwe’. Iyo album kandi yayimurikiye no mu Ntara y’Amajyepfo muri Kaminuza NKuru y’u Rwanda ku itariki ya 13 Mutarama 2012. Iyo Album ye iriho indirimbo nka Narashize, Ndakwizera, Buhoro Buhoro, Nta Mahitamo, Birandenga, Ese warikiniraga, Kuki unsize, Mbabarira, Nzajya Ngushima, Ubaye Uwanjye.

Kuwa 31 Mata 2012, King James yabaye umuhanzi w’umwaka mu marushanwa ya Salax Awards, nyuma yo guhabwa ibihembo bine byose (ibihembo byinshi kurusha abandi bahanzi bose) ari byo : Best RnB, Best Male, Best Album na Artist of the Year.

King James mu mwaka wa 2012 yasohoye indirimbo nyinshi zirimo indirimbo "Pala Pala" zatumye arushaho gukundwa cyane. Ibi byamuhesheje amahirwe menshi yo gutorwa n’abantu benshi mu marushanwa ya Primus Guma Guma Super Star II. Bityo King James atorwa mu bahanz i20 bakunzwe kurusha abandi mu Rwanda, arakomeza atorwa muri Top 10, Top 7, Top 4 na Top 2 aho yari asigaye ahangana n’umuraperi Jay Polly uri mu bakunzwe cyane mu Rwanda.

Byari bikomeye kuri King James kuko yari yongeye guhurira Final na Jay Polly, umwe mu bahanzi bakunzwe kubw’ubutumwa bwe n’injyana aririmba ya Hip-Hop, injyana ikunzwe cyane n’urubyiruko rwinshi mu Rwanda.

Tariki ya 28 Nyakanga 2012, mu gitaramo cyari cyitabiriwe n’umuhanzi w’umunyamerika Jason Derulo hatangajwe ko King James ari we wegukanye umwanya wa mbere mu marushanwa ya Primus Guma Guma Super Star II.

Shyiraho Igitekerezo!

Related Posts by Categories



0 comments:

Post a Comment

Urwego