Bang Media

Reba Video

Shakisha

Karekezi Olivier yamaze gusinyira gutoza ikipe ya Rayon Sports #rwanda via @igihe1

Karekezi Olivier

 Karekezi Olivier wari umutoza w'ikipe ya Allsvensikan yo muri Suede yamaze gusinyira gutoza ikipe ya Rayon Sports, ni nyuma y'uko uwari umutoza wayo mukuru Masudi Djuma asezeye ku mirimo ye.

Tariki ya 8 Nyakanga 2017 nibwo Masudi Djuma yasezeye ku mirimo yo gutoza Rayon Sports. Nyuma hagiye hibazwa umutoza uzamusimbura ndetse hanavugwa byinshi ariko nta wari wakamutangaje ku mugaragaro.

Amakuru yizewe agera ku kinyamakuru Makuruki ni uko uwahoze ari umukinnyi w'ikipe y'igihugu Amavubi, ndetse wanakiniye ikipe ya APR FC imyaka irenga 10 akanaba kapiteni w'aya makipe yombi, ariwe Karekezi Olivier yamaze gushyira umukono ku masezerano yo gutoza iyi kipe ya Rayon Sports, akaba azajya ahembwa miliyoni 3 z'amafaranga y'u Rwanda ku kwezi.

Amakuru kandi avuga ko uyu mugabo yifuza kuba yakorana na Katawuti nk'umwungiriza ndetse na Nkuzingoma Ramadhan nk'umutoza w'abazamu bose bakaba barakinanye mu ikipe y'ikipe y'igihugu.

Muri 2014 Karekezi Olivier akaba yarabonye impamyabushobozi y'ikirenga mu bijyanye n'ubutoza 'Licence A' inamwemerera gutoza ku mugabane w'u Burayi akaba yarabiyonye akinira ikipe ya Trelleborgs FF yo muri Suede.

Karekezi Olivier yakiniye ikipe ya APR FC guhera muri 1989 kugeza muri 2001, yayigarutsemo muri 2002 kugeza 2004 aho yavuye yerekeza muri Helsingborgs IF yo muri Suede akaba yarayikiniye kuva 2005 kugeza 2007.

Kuva mu 2008 kugeza 2009 yerekeje muri Hamarkameratene yo muri Norvege. Kuva 2010 kugeza 2011 yasubiye muri Suede mu ikipe ya ├ľsters IF, 2011 kugeza 2012 yagarutse mu Rwanda mu ikipe ya APR FC aho yavuye mu mwaka w'imikino wa 2012/2013 yo muri Tusinia. Yavuye muri Tusina asubira muri Suede muri 2014 mu ikipe ya Trelleborgs FF akaba ari nahpo yosoreje umupira w'amaguru we.

Karekezi Olivier yakiniye ikipe y'igihugu imyaka igera kuri 13 guhera mu 2000 kugeza 2013, akaba ari nawe watsindiye ikipe y'igihugu ibitego byinshi kuko afite ibitego 25.

Shyiraho Igitekerezo!

Related Posts by Categories



0 comments:

Post a Comment

Urwego